Transcription
1
Monsieur, je vous ay escript par le seigneur Alphonce coronel des Cosses, etquel
2
me fist cest honneur et faveur de me venir voyr ; et quand il arriva
3
noz enfens ne faisoyent que descendre de la lictyère. Je massure quil vous
4
aura dict de leur bon portement, graces à Notre Seigneur. Ilz arrivèrent
5
ici le XIIe du présent, comme vous avyés ordonné. Jehan de Comme est
6
parti ce matin pour aller à sa meson, en attendent madame Bellièvre
7
à ce quelle luy mandera et sera tout ainsiy que luy avés escript et
8
de cela que vous scavés, je pence que aurés entendu le descès de
9
feu monsieur le conte de Tande. Je vous puis assurer que je
10
suis bien fort marrye à pryé Dieu luy doint son St reppos. Je vous
11
puis assurer que noz enfens ne me scauroyent de rien desacommoder
12
tant sen fault que ce mest ung grand contentement ; et en cest
13
endroit, je prye Dieu que vous doint sa grace, accompagnée de
14
longue et contente vye. Je me recommande de fort bon cœur
15
à la votre et de madame de Gordes. Jay bailhé à ce porteur
16
quinze soulz pour ses despens. Je suis esté bien fort aise d’avoyr
17
entendu dez novelles de Laval. Je prye Notre Seigneur le volloyr tenir
18
en sa Ste garde et protection. De Gargas, le XIIIe octobre 1572
19
Votre mère
20
Pierre de Ponteves
21
Je vous renvoy voz lettres. Mon nepveu, monsieur
22
de La Coste, na pas falli de venir voyr
23
noz enfens. Incontinent, il vous escript